लाब्दा बस्ती धुप्पी डांडादेखि बोर्दाङ प्राथमिक पाठशालासम्म जाने बाटो विगत वर्षदेखि बनिन थालेपछि उक्त गाउँका जन समुदायमा धेरै खुशीको लहर छाएको छ तैपनि यस बाटोको निर्माण कार्य लाब्दा निम्न बुनियांदी पाठशाला अधिनस्थ खेल मैदानलाई नै छोएर बनिन थालेको छ भने उक्त पाठशाला अघि हालसम्म अलकत्र बिछाउने कार्य भएको छैन जसको कारण यसै बर्खाको शुरुमा नै पानी जमेर जलथल हिलो जमेको कारण पाठशालाका नानीहरुलाई ध्रेरै असुविधा भइरहेको सर्वविधितै छ | यसको साथै उक्त बाटो भएर दिनहुँ हिड्ने यस क्षेत्रका गाडीहरु हिलोमा फँसेर बिहान बेलुकी मानिसहरुले ठेलेर निकाल्नु पर्ने बाध्यता दैनिक तालिका बन्न पुगेको जानकारी कमाण्डर चालक ओङलक्कु शेर्पा बताउँछन् | लाब्दा बस्ति क्षेत्रमा केही वर्षभित्रमा धेरै नै विकाश भएपनि यस्ता सानो सानो कुरोले भने पिरोल्न छोडेको छैन | मानिसहरुले भोगिरहेको समस्यालाई नियालेर उक्त बाटो निर्माण कार्यका ठेकादार महोदयलाई उक्त बाटोमा चाडो गरी अलकत्रा छापिदिने अनुरोध क्षेत्रका सम्पूर्ण जनसाधारणले गरेका छन् ||